瑜珈中心勁近學校，又近中央圖書館，要返學或要借書既日子，有少少時間都可以去，總算令自己諗少好多「我失戀好慘呀」芸芸。

死唔去既，係都石亦芝返黎先啦，佢免費同我搞遺囑

－－－－－－－－－－－－－－－－－－－－－－－－－－－－－－－－－－－－－－－－－－

雖然我自小都算會做運動，但對自己既身體唔太了解

因為遺傳尾龍骨下面歪左少少（唔知點叫呀，總之係啦），越大越痛，終於要做瑜珈

一做之下，對全身肥肉了解多左

原來跑咁多年步，大腿都好冇力

除左醫病，如果可以跑快Ｄ就好啦

ＰＳ話唔會傳教既瑜珈中心，其實都呃人既，成鬼日叫你感應「身體Ｄ輪」，唔知以為係「法輪功」。

我幼稚園果陣，成日將umbella 串成umbanana，

所以由小學開始，就覺得麥兜好親切，同堅信全世界既小朋友都係咁。

點知，入樹仁後，發現冇朋友細個咁串字，

尋日大婷同我講，黃巴士大約係佢小五（我小三）創刊，

加上我又醒起，有個幼稚園老師姓麥。

好驚呀......唔通......我就係麥兜？！

上黃總既editing很快樂，不過，今日係今個sem第一次遲到，我唔知醒 =(

明明應承左黃總，以後要好好讀書架麻

讀到第三年，中文仍然好爛，但發現我鍾意做編輯多過做記者，要勤力Ｄ，做中國人要識寫好中文！

上上下堂，唔知點解講情信，黃總笑話唔信我唔識寫。

果刻有Ｄ晞噓......識寫既，可惜有Ｄ事情，寫出再好既文章，設計再精緻既心思，用多一百倍真誠同努力，亦永遠勉強唔到。

從開始就比任何人都明白，只係唔想面對。

It hurts, it heals?

傷重不一定痊癒，但一定會暴斃或者險死

我今朝發現，俾一個我好信任既人呃左，仲要成個月咁耐

對對方黎講只係好小事，係開一個玩笑，見到我蠢好好玩

對我黎講好大件事，我冇嬲，但非常唔開心  

係我蠢，我冇權利去話你Ｄ咩  

不過，我可以選擇唔再相信你

當然，你都唔希罕我既信任

你又唔係第一次講大話呃我